समाचार
खेलकुदमा बागमती गाउँपालिका देशकै उत्कृष्ट
खेलकुदमा बागमती गाउँपालिका देशकै उत्कृष्ट
राष्ट्रिय खेलकुद परिषद् (राखेप) को ६२ औं वार्षिकोत्सवमा शुक्रबार खेलकुद क्षेत्रमा देशभरमै उत्कृष्ट कार्य गरेको भन्दै बागमती गाउँपालिकालाई सम्मान गरिएको छ। सर्केश घलान नेतृत्वको बागमती गाउँपालिकाले नेपाली खेलकुद क्षत्रको विकास र विस्तारमा गरेको कार्य उदाहरणीय रहेको भन्दै सम्मान गरिएको हो। नेपाल सरकारका युवा तथा खेलकुदमन्त्री तेजुलाल चौधरी र राखेपमा सदस्य सचिव टंकलाल घिसिङ लगायतले बागमती गाउँपालिकाका अध्यक्ष सर्केश घलान, प्रमुख प्रशासकीय अधिकृत ओम बहादुर दर्जी, बागमती गाउँपालिकाका खेलकुद समितिका अध्यक्ष रहर सिं थिङ र निवर्तमान अध्यक्ष अरुण बल लगायतलाई सम्मापत्र प्रदान गर्नुभएको छ। कार्यका लागि मेहनत गर्नुहुने सिङ्गो गाउँपालिका टिम, खेलकुद विकास समिति, सम्पुर्ण खेलाडीहरु र खेलप्रेमी जनताहरुलाई विशेष धन्यवाद ।